Balu Mahendra Library | பாலு மகேந்திரா நூலகம்

வாராந்தத் திரையிடல்

August 07, 2021
01:00 PM - 05:00 PM
கிளிநொச்சி

கலந்து கொண்டவர்கள் 0

ஒரு சூரியன்

பாலு மகேந்திரா நூலகத்தின் இவ்வாரத் திரையிடல் மற்றும் கலந்துரையாடலுக்காகத் தேர்வு செய்யப்பட்டுள்ள திரைப்படம் “ஒரு சூரியன்” (A Sun).

கொவிட்-19 நிலைமையைக் கருத்தில் கொண்டு பாலு மகேந்திரா நூலகத்தின் ஒரு வருட முழுநேர முதுநிலைக் கற்கைநெறியினைத் தொடரும் மாணவர்களுக்கு மாத்திரமே இவ்வாரத் திரையிடலில் பங்குபற்றுவதற்கான OTT(Netflix) வசதி செய்து கொடுக்கப்பட்டுள்ளது.

கொவிட்-19 இடர்காலம் முடியும் வரை எம்மிடம் உள்ள OTT தளங்களில் காணப்படும் திரைப்படங்களை மாத்திரமே திரையிடத் தீர்மானித்துள்ளோம்.

ஒரு சூரியன் (A Sun) என்பது சுங் மோங்-ஹாங் (Chung Mong-hong) இயக்கிய தைவான் நாட்டுத் திரைப்படமாகும்.

இது 2019 ஆம் ஆண்டு டொராண்டோ சர்வதேச திரைப்பட விழாவிலும், டோக்கியோ சர்வதேச திரைப்பட விழாவிலும் திரையிடப்பட்டது.இது 93 வது அகாடமி விருதுகளில் சிறந்த சர்வதேசத் திரைப்படத்திற்கான தைவானிய நுழைவாகத் தேர்ந்தெடுக்கப்பட்டது.

இத் திரைப்படம் “ஒரு குடும்பம் தங்களுடைய இளைய மகனின் சிறைவாசம் மற்றும் அதன் பின் வரும் பெரும் துரதிர்ஷ்டத்தை எவ்வாறு எதிர்கொள்கிறது” என்பதனைக் கதைக் கருவாகக் கொண்டுள்ளது.

பிரதி சனிக்கிழமை தோறும் மாலை 3 மணிமுதல் மாலை 7 மணிவரை, முதலாம் மாடி, கூட்டுறவு மண்டபம், பேருந்து தரிப்பிடச் சந்தி, கிளிநொச்சியில் அமைந்துள்ள பாலு மகேந்திரா நூலகத்தில் திரைப்படத் திரையிடல் மற்றும் கலந்துரையாடல் நடைபெற்று வருகின்றமை நீங்கள் அறிந்ததே. கொவிட்-19 இடர்காலம் முடிந்ததும் மீண்டும் வழமைபோல் திரையிடல்கள் எமது நூலகத்தில் இடம்பெறும்.

பார்ப்போம் - உரையாடுவோம் - கற்போம்

இவ்வண்ணம்

பாலு மகேந்திரா நூலக நிர்வாகம்

04.08.2021

ஒரு சூரியன்

தொடர்புடைய நிகழ்வு